4

ച​മ്പ​ക്കു​ളം: വെ​ള്ള​ത്താ​ൽ ചു​റ്റ​പ്പെ​ട്ട കു​ട്ട​നാ​ട്ടി​ൽ ജീ​വ​ൻ ര​ക്ഷാ​മാ​ർ​ഗ​മെ​ന്ന നി​ല​യി​ൽ നീ​ന്ത​ൽ പ​ഠി​പ്പി​ക്കാ​നു​ള്ള സൗ​ക​ര്യ​ങ്ങ​ൾ ഒ​രു​ക്ക​ണ​മെ​ന്ന ആ​വ​ശ്യം ശ​ക്ത​മാ​കു​ന്നു. നി​ല​വി​ൽ നീ​ന്ത​ൽ പ​ഠി​ക്കാ​നാ​ഗ്ര​ഹ​മു​ള്ള​വ​ർ നീ​ന്ത​ൽ പ​ഠി​ക്കു​ന്ന​ത് മ​ലി​ന ജ​ല​ത്തി​ലാ​ണ്. സ​മൃ​ദ്ധി​യാ​യി വെ​ള്ള​മു​ള്ള പ​തി​മൂ​ന്ന് പ​ഞ്ചാ​യ​ത്തു​ക​ൾ അ​ട​ങ്ങി​യ കു​ട്ട​നാ​ട് നി​യോ​ജ​ക മ​ണ്ഡ​ല​ത്തി​ൽ ഒ​രു നീ​ന്ത​ൽ​കു​ളം പോ​ലു​മി​ല്ല. ന​ദി​ക​ളും, തോ​ടു​ക​ളും, കാ​യ​ലു​ക​ളും ആ​വ​ശ്യ​ത്തി​ല​ധി​ക​മു​ണ്ടെ​ങ്കി​ലും അ​പ​ക​ട​ര​ഹി​ത​മാ​യി നീ​ന്ത​ൽ പ​ഠി​ക്കാ​നു​ള്ള സാ​ഹ​ച​ര്യ​ങ്ങ​ളി​വി​ടി​ല്ല.

അ​പ​ക​ട​ക​ര​മാ​യ സാ​ഹ​ച​ര്യ​ങ്ങ​ളി​ൽ സ്വ​ന്തം റി​സ്‌​കി​ലാ​ണ് കു​ട്ട​നാ​ട്ടി​ലെ കു​ട്ടി​ക​ൾ നീ​ന്ത​ൽ പ​രി​ശീ​ലി​ക്കു​ന്ന​ത്. നി​ല​വി​ൽ നീ​ന്ത​ൽ പ​ഠി​ക്കാ​ൻ ആ​ല​പ്പു​ഴ​യി​ലാ​ണ് സൗ​ക​ര്യ​മു​ള്ള​ത്. അ​വി‌​ടെ പോ​യി നീ​ന്ത​ൽ പ​രി​ശീ​ലി​ക്കാ​നാ​വാ​തെ ഇ​വി​ട​ത്തു​കാ​ർ ബു​ദ്ധി​മു​ട്ടു​ക​യാ​ണ്.

സ്‌​കൂ​ൾ, കോ​ള​ജ് ത​ല​ങ്ങ​ളി​ൽ ദേ​ശീ​യ ത​ല​ത്തി​ൽ വ​രെ നീ​ന്ത​ലി​ൽ സ​മ്മാ​ന​ങ്ങ​ൾ നേ​ടു​ന്നു​ണ്ട് ഇ​വി​ട​ത്തു​കാ​ർ. മ​ലി​ന​ജ​ലം കെ​ട്ടിക്കിട​ക്കു​ന്ന സ്ഥ​ല​ങ്ങ​ളി​ലാ​ണ് കു​ട്ടി​ക​ൾ നീ​ന്ത​ൽ പ​രി​ശീ​ലി​ക്കു​ന്ന​ത്. നെ​ടു​മു​ടി ഗ്രാ​മ​പ​ഞ്ചാ​യ​ത്ത് ഓ​ഫീ​സി​നു സ​മീ​പ​മു​ള്ള കു​ള​ത്തി​ൽ കു​ട്ടി​ക​ൾ വ​ർ​ഷ​ങ്ങ​ളാ​യി പ​രി​ശീ​ല​നം ന​ട​ത്താ​റു​ണ്ട്. എ​ന്നാ​ൽ മി​ക്ക മാ​സ​ങ്ങ​ളി​ലും വെ​ള്ളം മ​ലി​ന​മാ​കു​ന്ന​തി​നാ​ൽ ഇ​വി​ടെ സ്ഥി​ര പ​രി​ശീ​ല​നം അ​സാ​ധ്യ​മാ​ണ്.

കു​ട്ട​നാ​ട്ടി​ൽ നി​ന്ന് നി​ര​വ​ധി കാ​യി​ക താ​ര​ങ്ങ​ളാ​ണ് ദേ​ശീ​യ, അ​ന്ത​ർ​ദേ​ശി​യ ത​ല​ത്തി​ൽ നീ​ന്ത​ലി​ൽ സ​മ്മാ​ന​ങ്ങ​ൾ നേ​ടി​യി​ട്ടു​ള്ള​ത്. ഒ​ളിം​പ്യ​ൻ സെ​ബാ​സ്‌​റ്റ്യ​ൻ സേ​വ്യ​ർ കു​ട്ട​നാ​ട്ടു​കാ​ര​നാ​ണ്. ഇ​ന്ത്യ​ൻ റെ​യി​ൽ​വേ, സ​ർ​വീ​സ​സ് തു​ട​ങ്ങി​യ​വ​യെ പ്ര​തി​നി​ധീ​ക​രി​ച്ച് നി​ര​വ​ധി ഇ​ട​ങ്ങ​ളി​ൽ കു​ട്ട​നാ​ട്ടി​ലെ നീ​ന്ത​ൽ താ​ര​ങ്ങ​ൾ ഇ​പ്പോ​ഴും നീ​ന്ത​ൽ മ​ത്സ​ര​ങ്ങ​ളി​ൽ പ​ങ്കെ​ടു​ക്കു​ന്നു​ണ്ട്. ക​ഴി​ഞ്ഞ കാ​ല​ങ്ങ​ളി​ൽ നീ​ന്ത​ൽ താ​ര​ങ്ങ​ളാ​യ പ​ല​രും കു​ട്ട​നാ​ട്ടി​ൽ നി​ന്ന് കേ​ന്ദ്ര -സം​സ്ഥാ​ന സ​ർ​ക്കാ​ർ സ​ർ​വീ​സു​ക​ളി​ൽ ജോ​ലി നേ​ടി​യി​ട്ടു​മു​ണ്ട്.

കു​ട്ട​നാ​ടി​ന്‍റെ പ്ര​ത്യേ​ക സാ​ഹ​ച​ര്യ​ത്തി​ൽ അ​പ​ക​ട​ര​ഹി​ത​മാ​യി നീ​ന്ത​ൽ പ​രി​ശീ​ല​നം ന​ട​ത്തു​ന്ന​തി​ന് ആ​ധു​നി​ക നീ​ന്ത​ൽ​കു​ളം ഒ​രു​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.